အားအင်မရှိတဲ့ မြန်မာအင်တာနက်ကို သုံးစွဲသူများသတိ...

ရန်ကုန်မြို့ မှအင်တာနက်ဆိုင်များတွင် စအဖ မှ အမျိုးသမီးငယ်များအား ဆိုင် ၀န်ထမ်းပုံစံဖြင့် လာရောက်ထည့်သွင်း မြုပ်နှံထားခြင်း

အခုရက်ပိုင်းအတွင်း မြန်မာပြည်မှ အင်တာနက်ဆိုင်များတွင် စစ်အစိုးရရဲ့ စအဖ (စစ်ဖက်ရေးရာ အထူးလုံခြုံရေးအဖွဲ့)မှ အင်တာနက် ဆိုင်များတွင် ဆိုင်ရှင်များအား ဖိအားပေးပြီး ဆိုင်ဝန်ထမ်းပုံစံဖြင့် အမျိုးသမီးငယ်များအား လာရောက်ထည့်သွင်း မြုပ်နှံထားကြောင်း ရန်ကုန်မှ အင်တာနက်ဆိုင်ရှင်တစ်ဦးမှ ဆက်သွယ် ပြောဆိုလာပါတယ်။


ဆိုင်ပိုင်ရှင်မှ ပြောဆိုရာမှာတော့ လာရောက် သုံးစွဲတဲ့ လူငယ်တွေက အမျိုးသမီးဝန်ထမ်းတွေပဲဆိုပြီး သိပ်ပြီးဂရုမစိုက် ကြတဲ့အတွက် အန္တရာယ်များကြောင်း .. စအဖမှ အင်တာနက်ဆိုင်ရှင်များကို ဖိအားပေးပြီး အတင်းလာရောက် ထည့်ထားခြင်းဖြစ်ကြောင်း ဆိုင်တော်တော်များများမှာ ထည့်ထားကြောင်း.. ယခုရက်ပိုင်းအတွင်း လာရောက် ထည့်သွင်းထားတာဖြစ်ကြောင်း ...ဆိုင်ပိုင်ရှင်များလည်း စိတ်ညစ်နေရကြောင်း ဒီသတင်းကို ဆက်လက်ဖြန့်ဝေပေးစေလိုကြောင်း ဆက်သွယ် ပြောကြားလာပါတယ်။


ပြည်တွင်းက ညီအကို မောင်နှမများ အားဆက်လက် ဖြန့်ဝေပေးကြပါရန်....

Mail မှပေးပို့ လာသူအားကျေးဇူးတင်လျှက် ဖိုးရှုပ်လေး

ကာတွန်းဆရာ ဟန်လေး လူ့အခွင့်အရေးဆု ချီးမြှင့်ခံရ

မြန်မာ့နိုင်ငံရေး အခြေအနေတွေနဲ့ စစ်အစိုးရကို သရော်တဲ့ ကာတွန်းတွေ၊ သရုပ်ဖော်ပုံတွေ ရေးဆွဲနေတဲ့ ကာတွန်းဆရာ ကိုဟန်လေးကို နယူးယောက် အခြေစိုက် လူ့အခွင့်အရေး စောင့်ကြည့် လေ့လာရေးအဖွဲ့ Human Rights Watch က ဂုဏ်ပြုဆု ချီးမြှင့်လိုက်ပါတယ်။ ရှမ်းတိုင်းရင်းသား ကာတွန်းဆရာ ကိုဟန်လေးရဲ့ အနုပညာ လက်ရာတွေအတွက် Human Rights Watch အဖွဲ့ရဲ့ Hellman/Hammett ဆုကို ချီးမြှင့်လိုက်တာ ဖြစ်ပါတယ်။ ဗွီအိုအေ မြန်မာပိုင်းအစီအစဉ်ရဲ့ ဂြိုဟ်တု ရုပ်မြင်သံကြား အစီအစဉ်တွေ အတွက်လည်း မြန်မာ့နိုင်ငံရေး အခြေအနေတွေကို ထင်ဟပ်တဲ့ ကာတွန်းရုပ်ပုံတွေ ရေးဆွဲပေးနေတဲ့ ကာတွန်း ဟန်လေး ဆုရရှိခဲ့တဲ့ အကြောင်းကို ဒေါ်ခင်မျိုးသက်က တင်ပြပေးထားပါတယ်။

၂၀၁၀ အတွက် Human Rights Watch အဖွဲ့ကြီးက ဂုဏ်ပြုတဲ့ အနုပညာရှင်တွေထဲမှာ ကာတွန်းဆရာ ဟန်လေးကို Hellman/Hammett ဆုပေးဖို့ ရွေးချယ်ခဲ့တာ ဖြစ်ပါတယ်။ မြန်မာနိုင်ငံရဲ့ လက်တွေ့ဘ၀တွေကို ထင်ဟပ်စေတဲ့ ကာတွန်းတွေကို ရေးဆွဲခဲ့တဲ့ ကာတွန်း ဟန်လေးရဲ့ လက်ရာဟာ အနုပညာ မြောက်သလို လူ့အခွင့်အရေးအတွက် အကောင်းဆုံး ဖော်ထုတ်နိုင်သူမို့ ဒီဆုကို ထိုက်ထိုက်တန်တန် ရွေးချယ် ပေးအပ်ခဲ့တာလို့ Human Rights Watch က ဆုရွေးချယ်ရေး အဖွဲ့ရဲ့ ထိုင်းအခြေစိုက် တာဝန်ခံ ဒေးဗစ် မက်သီစင်က ပြောပါတယ်။

“ဒီဆုအတွက် ကျနော်တို့ သူ့ကို ရွေးချယ်ရတာက သူဟာ ဒီဆုအတွက် တကယ့်ကို ထိုက်တန်တဲ့သူ၊ ပြောရရင် အရသင့်ဆုံး မြန်မာ ကာတွန်းဆရာ တယောက်ပါ။ သူ့ရဲ့ ကာတွန်းတွေဟာ နိုင်ငံရေးကို သရော်တာ၊ မြန်မာ့နိုင်ငံရေးနဲ့ ပတ်သက်တဲ့ ဝေဖန်ချက်တွေ ဖြစ်နေရုံတင် မကပါဘူး၊ တကယ့်ကို အနုပညာ မြောက်ပါတယ်။ မြန်မာနိုင်ငံမှာ လက်တွေ့ ကြုံနေရတဲ့ နိုင်ငံရေးနဲ့ လူမှုရေးတွေကိုလည်း သေသေချာချာ ဖော်ပြနိုင်ပါတယ်။ သူ့အနုပညာနဲ့ ဒီလို ဖော်ပြနိုင်တာတွေကြောင့် ဒီဆုနဲ့ တကယ့်ကို ထိုက်တန်ပါတယ်။”

အခုလို နိုင်ငံတကာ အဖွဲ့ကြီးက ဂုဏ်ပြု ရွေးချယ်တာ ခံခဲ့ရတဲ့အတွက် ဂုဏ်ယူမိတယ်လို့ ကာတွန်းဆရာ ဟန်လေးက ပြောပါတယ်။

“ကိုယ်လုပ်တဲ့ အလုပ်က လူ့အခွင့်အရေး လှုပ်ရှားမှုကို တဘက်တလမ်းက အထောက်အကူ ပြုတယ်ဆိုတော့ နည်းနည်း ကိုယ့်ကိုယ်ကို ဂုဏ်ယူမိပါတယ်။ ကိုယ့်ကို သူများက အသိအမှတ် ပြုတယ်ဆိုတော့ ၀မ်းလည်း သာတာပေါ့။ ကျနော် ထင်လည်း မထင်ထားဘူးလေ။”

သူဟာ ရန်ကုန် ပန်းချီ၊ ပန်းပု အနုပညာကျောင်းမှာ ပညာသင်ကြားခဲ့ပြီး ပန်းချီပညာကို ပန်းချီ ဦးသုခ၊ ဦးဘလုံလေး၊ ဦးအမ်တင်အေးနဲ့ ဦးဘကြည်တို့ဆီမှာ ပညာဆည်းပူးခဲ့သူ ဖြစ်ပါတယ်။ ကာတွန်းပညာကိုတော့ ငယ်စဉ်ကတည်းက ၀ါသနာပါပြီး ဖခင်ဖြစ်သူရဲ့ အားပေးမှုနဲ့ ကာတွန်း ရွှေမင်းသားဆီက နည်းပညာတွေ သင်ယူခဲ့တယ်လို့ ဆိုပါတယ်။

ကာတွန်း ဟန်လေးဟာ ၁၉၈၈ ခုနှစ် နောက်ပိုင်းကစပြီး စာနယ်ဇင်းတွေအတွက် ကြိုးကြားကြိုးကြား ကာတွန်းတွေ ရေးသားခဲ့ပေမဲ့ ၂၀၀၃ ခုနှစ် နောက်ပိုင်းကစပြီး ပုံမှန် ရေးဖြစ်တယ်လို့ ပြောပါတယ်။

“၂၀၀၃ ခုနှစ် ဒီပဲယင်း အရေးအခင်း ကာတွန်းရေးပါတယ်၊ ရှမ်းသတင်းစဉ်မှာ တင်လိုက်သေးတယ်။ ရှမ်းသတင်းစဉ်ကနေပြီး ဦးကျော်ဇံသာနဲ့တူတယ်၊ အဲဒီတုန်းက ဘီဘီစီမှာ၊ အဲဒီကာတွန်းအကြောင်း ပြောလိုက်တော့ ကျနော် တော်တော် အားရှိသွားတယ်။ ဆက်ပြီးလည်း ရေးဖြစ်လာတယ်။ နောက် ကိုသန်းလွင်ထွန်းနဲ့ တွေ့တော့ ကိုဟန်လေးတဲ့၊ ခင်ဗျား Cartoonist ဆက်လုပ်ပါဗျာတဲ့၊ အဲဒါနဲ့ ကာတွန်းဆွဲဖြစ်သွားတယ်၊ ရေးဖြစ်သွားတယ်၊ ဒီအချိန်ထိပေါ့။

“တော်တော်တော့ ခံစားရတယ်ဗျ။ ဘယ်လိုပြောမလဲ၊ ဘာမှမဟုတ်တာလေးနဲ့ကို ပြစ်မှု ကြီးကြီးကျယ်ကျယ်ကြီးတွေ သတ်မှတ်ပြီးတော့ ဖိနှိပ်နေတာ၊ စိတ်မကောင်း တော်တော်ဖြစ်တယ်။ အမှန် ကျနော့်အလုပ်က သတင်းနဲ့ ပတ်သက်နေတာကိုး။ နိုင်ငံရေးကာတွန်း ရေးစားနေတဲ့ လူတယောက်က သတင်းနဲ့ အမြဲတမ်း ပတ်သက်နေတယ်။ အဲတော့ သတင်းတွေ တက်နားထောင်လိုက်ရင် စိတ်မချမ်းသာတာချည်း၊ ဒီ ၈၈ နောက်ပိုင်း ပိုပြီးတော့ ဆိုးလာတယ်။ ကျနော်တို့ မြန်မာလူမျိုးတွေ မင်္ဂလာယူနေတဲ့ သင်္ကြန်အချိန်မှာတောင်မှ အဲဒီလို သတင်းဆိုးတွေ ထွက်နေတယ်ဆိုတော့ ကောင်းမယ့်သတင်းတွေ ရှားသွားပြီထင်တယ်၊ ကျနော်ထင်တယ် မရှိသလောက် ဖြစ်သွားမယ်၊ ဒီအစိုးရ ဒီအတိုင်း ဆက်ရှိနေမယ်ဆိုရင်။”

မြန်မာနိုင်ငံတွင်းမှာ လူ့အခွင့်အရေး ချိုးဖောက်မှုတွေ အများအပြား ရှိနေပြီး သူ အခုလို ဖော်ပြခွင့် ရတာဟာ တစိတ်တပိုင်းပဲ ရှိပါသေးတယ်လို့လည်း ပြောပါတယ်။ ကာတွန်းဆရာ ကိုဟန်လေးကို လူ့အခွင့်အရေး အဖွဲ့ကြီးက အခုလို ဂုဏ်ပြုဆု ပေးခဲ့တာဟာ ထိုက်တန်တယ်လို့လည်း မြန်မာစာပေ အနုပညာရှင် ဆရာဦးဝင်းဖေက ပြောပါတယ်။

“အလွန်ဝမ်းသာစရာ ကောင်းတယ်၊ အလွန်ထိုက်တန်တဲ့ ဆုလည်း ဖြစ်ပါတယ်။ ဘာဖြစ်လို့လဲဆိုတော့ ကိုဟန်လေးက ကာတွန်းဆရာတယောက် အနေနဲ့ မြန်မာနိုင်ငံတွင်း လူ့အခြေခံ အခွင့်အရေးများနဲ့ ပတ်သက်ပြီးတော့ ကာတွန်းတွေ ရေးတဲ့အခါ အလွန်သိက္ခာရှိတဲ့၊ ကာတွန်းအနုပညာရဲ့ ထိန်းသိမ်းအပ်တဲ့ ကျင့်ဝတ် အမြောက်အမြားကို ထိန်းသိမ်းပြီးတော့ ယဉ်ယဉ်ကျေးကျေးနဲ့ သိက္ခာရှိရှိရေးတဲ့ ကာတွန်းဆရာ ဖြစ်နေတယ်။ အဲဒါကြောင့် ဒီဆုနဲ့ အလွန်ထိုက်တန်တယ်။ သူဟာ အရေအတွက်အရ လည်းကောင်း၊ အရည်အသွေးအရ လည်းကောင်း၊ တကယ် ဒီဆုနဲ့ သင့်လျော်တဲ့ ကာတွန်းဆရာတယောက် ဖြစ်ပါတယ်။”

၂၀၀၉ ခုနှစ်အတွက် Hellman/Hammett ဆုကို အခုထိ အကျဉ်းကျခံနေရတဲ့ ကဗျာဆရာ စောဝေ အပြင် ကွယ်လွန်သူ ကဗျာဆရာကြီး ဦးတင်မိုးကိုလည်း ၂၀၀၂ ခုနှစ်မှာ ဂုဏ်ပြု ပေးအပ်ခဲ့ပါတယ်။

VOA မှ April 29, 2010

ပြည်သူ့ဂုဏ်ရည်ဆုရှင် ဦးကျော်သူနှင့် ဆက်သွယ်ကြစို့

ပြည်တွင်း လူမှုရေးလုပ်ငန်းများကို စေတနာ့ဝန်ထမ်းအဖြစ် မဲအများဆုံး ရွေးချယ်ခံရသူ ဆန်ကာတင် ၅ဦးထဲမှ နာရေးကူညီမှုအသင်း (ရန်ကုန်) ဥက္ကဌ ဦးကျော်သူအား ပြည်သူ့ဂုဏ်ရည်ဆုရှင် ချီးမြှင့်ခံရတဲ့အတွက် www.humanright-myanmar.com မှ လေးစားဂုဏ်ယူပါသည်။

ဦးကျော်သူအား ဆက်လတ်အားပေးသွားကြမည်ဖြစ်ပါသည်။

ပြည်သူများရဲ့အားပေးမှုကို facebook မှာ အခုလို တုံ့ပြန်ပေးထားပါတယ်။ အားပေးမှုများသည်.. ကျွန်တော့်အတွက်အားဆေးများ သောက်ရသလိုခံစားရပါတယ်။ ရှေ့ဆက်ပြီးပြည်သူ့ အတွက်ပေးဆပ်သွားရန် အသင့်ပါ။ ကျွန်တော်ရဲ့  လိပ်စာက..(၇)မိုင်၊ ပြည်သူ့ လမ်း.. ဒါကြောင့်..(၇)ရက်သားသမီးပြည်သူလူထု ကိုပေးဆပ်မည့် ..ကျော်သူ.. ဆိုတဲ့လူသားတစ်ယောက်သာ ထာဝရဖြစ်နေတော့မည်။

နာရေးကူညီမှု အသင်းမှာ လုပ်အားဒါန ပေးလိုသူများအနေဖြင့် အသင်းသို့ လာရောက်ပြီး လုပ်အားပေးလျှောက်လွှာ ပုံစံ ကိုရယူဖြည့်သွင်းပါနိုင်ပါသည်။

အနဲဆုံး တစ်ပါတ်လျှင် တစ်ရက် လာရောက်ပြီး လုပ်အား ပေးနိုင်ရပါမယ်။ လုပ်အားပေးရက် မပျက်ကွက်ဘဲ စိတ်ပါဝင်စားစွာနှင့် အနဲဆုံး ၆ လ နှင့်အထက် လုပ်အားပေးပြီးသူများကို အသင်းသား အဖြစ်တိုးမြှင့် သတ်မှတ်ပေးပါတယ်။ အသင်းသားဖြစ်သွားရင်လည်း ဘာအခွင့်အရေး... မှတော့ ပိုမရပါဘူး။ တာဝန်ပို ကြီးလာတာနဲ့ ပိုအနစ်နာခံရဖို့ ဘဲရှိပါတယ်။ နာရေးကူညီမှု အသင်းမှာ လုပ်အားပေးသူအားလုံး ကုသိုလ် ကလွဲပြီး ဘာအခွင့်အရေးမှ ရယူခွင့်မရှိပါဘူး။

ကိုယ့်လမ်းစရိတ်နဲ. ကိုယ်လာပြီး ကိုယ့်ထမင်း ကိုယ်စားပြီး လုပ်အားပေးရတဲ့ အသင်းပါ။ စိတ်ပါဝင်စားသူ အားလုံးကို ကြိုဆိုပါတယ်။ :)

နာရေးကူညီမှုအသင်း (ရန်ကုန်)
အမှတ် (၁၃-က)၊ ဗိုလ်မှူး ဗထူးလမ်း၊
၄၈(U-9) ရပ်ကွက်၊ မြောက်ဒဂုံမြို့နယ်၊ ရန်ကုန်မြို့။
ရုံးချုပ်ဖုန်း - ၅၈၁၃၆၃၊ ၅၈၀၁၃၃၊ ၅၈၃၅၁၄၊ ၇၀၉၂၇၇၊ ၇၂၈၀၈၉၊ ၇၀၄၇၈၄

ဘဘဦးဝင်းတင်ရဲ့ ယုံကြည်ချက်နဲ့ ရည်မှန်းပန်းတိုင်

သူသေကိုယ်ရှင် တုန့်ပြန်ဆန့်ကျင် တိုက်ပွဲဝင်ကြရတော့မယ်။ လက်နတ် သုံးမျိုးကိုင်ဆွဲ ရဲရဲတိုက်ပွဲဝင်ကြ

>>>>> မကြောက်တရားလက်နတ်

>>>>> သွေးစည်းညီညွှတ်ရေးလက်နတ်

>>>>> စစ်အာဏာရှင်စနစ်ဆန့်ကျင်ရေး ရည်မှန်း ပန်းတိုင်တခုတည်းချမှတ်၊ ရှေးရှု၊ ရင်ဆိုင် ချီတက်ရေးလက်နတ်

ဘဘဦးဝင်းတင် ရဲ့ ယုံကြည်ချက်နဲ့ ရည်မှန်းပန်းတိုင်ဟာ ဘယ်တော့မှ မပျောက်သွားဖူး။ ယခုဓါတ်ပုံကို ဖော်ပြချင်သဖြင့် ၁၂ ရက်၊ မတ်လ ၂၀၁၀ခုနှစ်မှာ မွေးနေ့ကျရောက်ခဲ့စဉ် ဘဘ ဦးဝင်းတင် ရဲ့ ရှစ်ဆယ်နှစ်ပြည့် စကားသဝဏ်ထဲမှ စာသားနှင့်ပူးတွဲဖော်ပြလိုက်ခြင်း ဖြစ်ပါသည်။

Generation Wave ၂၀၁၀ ရွေးကောက်ပွဲ ဆန့်ကျင်ရေးလုပ်ဆောင်........

ကျနော်တို့  Generation Wave (မျိုးဆက်သစ်လူငယ်များအစည်းအရုံး) သည် နအဖ စစ်အစိုးရ၏ တဖက်သတ်ရေးဆွဲထားသော အခြေခံမှုများနှင့်

တရားမမျှတသော ရွေးကောက်ပွဲကို ဆန့် ကျင်လျှက်ရှိနေပီး ယနေ့ ဧပြီလ၊ ၈ - ၉ ရက်နေ့ ၊ ၂၀၁၀ခုနစ်တွင် မကွေးတိုင်း၊ မင်းဘူးမြို့ နယ်ရှိ

မန်းရွှေစက်တော်ဘုရားပွဲအတွင်းတွင် “စစ်အာဏာရှင်၏ တရားမမျှတသော၂၀၁၀ ရွေးကောက်ပွဲကို ဆန့် ကျင်ကြ” စာတမ်းပါ စာရွက်စာတမ်းများကို

ဖြန့် ကျဲခဲ့ ပါသည်။ ပြည်သူလူထုတရပ်လုံးနှင့်လူငယ်များ အနေဖြင့် လည်း နအဖ စစ်အစိုးရ၏ တရားမမျှတသောရွေးကောက်ပွဲနှင့်

မတရားဖိနှိပ်နေမှု့ များအား နိုင်ငံရေးတက်ကြွလှုပ်ရှားသူများနှင့် အတူပူးပေါင်း ဆန့် ကျင်၍ အရှိန်မြှင့် လှုပ်ရှားမှု့ များတွင် ပါဝင်ဆင်နွှဲကြပါရန် အလေးအနက်

တိုက်တွန်းနှိုးဆော်လိုက်ပါသည်..

“စစ်အာဏာရှင်၏ တရားမမျှတသော၂၀၁၀ ရွေးကောက်ပွဲကိုဆန့် ကျင်ကြ”

Our organization Generation Wave firmly opposes the Constitution Law prejudiced by the military regime and the unjust 2010 Election, and we carried out the Pamphlets Campaign mentioning " Oppose Unjust 2010 Election to be held by the Military Regime" at the Man-Shwe-Sattawya Pagoda festival in Minbu, Magway Division on 8-9th April,2010.Hence, we highly encourage all the people and the young in Myanmar to collaborate with us in activities to go against the exercise of oppressive power of the military government and the unjust election.

" Oppose Unjust 2010 Election to be held by the Military Regime"

ယတြာဗုံးနဲ့ သင်္ကြန်အမြောက်

“ဒီနှစ်တော့ ရန်ကုန်သင်္ကြန် စည်မှာ မဟုတ်ဘူး” ပြောနေကြ သူတွေ ဖျားသွားသည်။ ထိုသို့ ဖျားသွားသူ များထဲတွင် ဒေဝါလီ မဂ္ဂဇင်းလည်း ပါသည်။ ဒေဝါလီ မဂ္ဂဇင်းက ရန်ကုန် သင်္ကြန် မစည်ဟု ပြောသူထဲတွင် ထိပ်ဆုံး မဟုတ်လား။ နောက်ထပ် ဖျားသူ ကတော့ ဦးရုက္ခစိုးဖြစ်သည်။ နေပူပူတွင် ချင်းမိုင်ကျုံးရေ ရေခဲစိမ်ဖြင့် အပက်ခံရသောကြောင့် နှာတချေချေ ဖြစ်နေသည်။

ရုက္ခစိုး။ ။ ဟတ် ….. ဟတ် …. ဟတ်ချိုး။

ချိုကုပ်။ ။ ဝက်တုပ်ကွေးများလား ဦးရုက္ခစိုးရယ်။ ဒီလောက်ဖြစ်နေလည်း ချင်းမိုင်မှာပဲ အေးအေး နေပါတော့လား။ ဘာလို့ ရန်ကုန် လာနေလဲ။

ကန်တော်ကြီးစောင်း တနေရာတွင် မိန့်မိန့်ကြီးပြုံး၍ ဗုံး ၃ လုံးကွဲထားသော နေရာကို ကြည့်နေသည့် ချိုကုပ်ဒူးကြီးနှင့် ဦးရုက္ခစိုးတို့ အချီအချ ပြောနေကြခြင်း ဖြစ်သည်။

ရုက္ခစိုး။ ။ ဝက်တုပ်ကွေး မဟုတ်ပါဘူးဗျာ။ ချင်းမိုင်သင်္ကြန်မှာ ဖိုးရှုပ်တို့ ကြွက်စုတ်တို့နဲ့ တရက်ပါသွားမိလို့ပါ။ ရန်ကုန် လာရတဲ့ အကြောင်းရင်းကတော့ အကြတ်နေ့ ဗုံးကွဲတဲ့ ကိစ္စ သိချင်လို့ ဆိုပါတော့။

ချိုကုပ်။ ။ ဒေဝါလီမဂ္ဂဇင်းက ပြောထားသမျှ ပြောင်းပြန်ဖြစ်သွားပြီ ဟီဟိ။ ရန်ကုန် သင်္ကြန် မစည်ဘူးဆို။ ရန်ကုန် သင်္ကြန် စည်ရုံတင်မကဘူး တခါတည်း ကမ္ဘာက ချက်ချင်းစိတ်ဝင်စားသွားတာ တွေ့ပြီမဟုတ်လား။

ရုက္ခစိုး။ ။ တော်တော် ဆိုးတာပဲဗျာ။ ဘယ်သူကများ လုပ်တာလဲ။ ချိုကုပ်ဒူးကြီး မသိဘူးလား။

ချိုကုပ်။ ။ မသိဘဲ ဘယ်နေမလဲဗျ။ ဒါမျိုး ဘယ်သူက လုပ်မှာလဲ စဉ်းစားကြည့် … ပြည်ပအားကိုး ပုဆိန်ရိုးတွေပဲ ဖြစ်မှာပေါ့။

ရုက္ခစိုး။ ။ ခင်ဗျား သတင်းစာထဲကနေ စွပ်စွဲတဲ့ သူတွေဆီမှာ ဒီလောက် လက်နက် ကိရိယာ ရှိပါ့မလားဗျာ။ သူတို့ မှာလည်း ဖန်ဒင်တွေ အဖြတ်ခံရလို့ မွဲနေရှာတာပါ။ တတ်နိုင်မယ် မထင်ပါဘူး။ ထစ်ခနဲရှိ သူတို့ကိုပဲ စွပ်စွဲနေသလို ဖြစ်နေပြီ။

ချိုကုပ်။ ။ ဟာ … ဦးရုက္ခစိုးကလည်း၊ သူတို့ကို ကျုပ်က မစွပ်စွဲရင် သူတို့က ကျုပ်ကို စွပ်စွဲမှာပေါ့။ ဒီလိုပဲ ဦးအောင် ရမ်းရတာပဲ။

ရုက္ခစိုး။ ။ မဟုတ်သေးဘူးလေ။ ကျုပ်ပြောတာက … စွပ်စွဲတာကို ပြောနေတာမဟုတ်ဘူး။ တကယ် ခွဲတဲ့သူ ဘယ်သူလဲ ဆိုတာ သိချင်တာ။

ချိုကုပ်။ ။ သြော် ဦးရုက္ခစိုးရယ် ခက်နေပြန်ပါပြီ။ ရမ်းပါတယ်ဆိုမှ။

ချိုကုပ်ဒူးကြီး စကားမဆုံးခင် ထိုနေရာသို့ မိန်းမတယောက် ပျာယီးပျာယာဖြင့် ရောက်လာသည်။ သူ့ပုံစံကြည့်ရသည်မှာ ထဘီမနိုင် ပုဝါမနိုင်နှင့် အရူးမီးဝိုင်းနေပုံရသည်။ တခြားသူမဟုတ် ချိုကုပ်ဒူးကြီး ကတော် ဒေါ်ကွိုင်ကွိုင်ဖြစ်သည်။

ကွိုင်ကွိုင်။ ။ မောင်တော်၊ အောင်မလေး မောင်တော်ရဲ့ …။ မောင်တော် ကယ်ပါ၊ ကယ်ပါ မောင်တော်။

ချိုကုပ်။ ။ ဘယ်လိုဖြစ်လာတာလဲ နှမတော်ရယ်။

ကွိုင်ကွိုင်။ ။ နှမတော် ယတြာ အချေကောင်းတာ မြေးတော်လေး အသက်တော်နဲ့ သီသီလေးပဲ လိုတော့တယ် မောင်တော်ရဲ့။

ချိုကုပ်။ ။ ဘယ်လို ဘယ်လို။ နှမတော်က ဘယ်လိုများ ယတြာတွေ ချေလိုက်လို့လဲ။

ကွိုင်ကွိုင်။ ။ ဘယ်လိုမှ မဟုတ်ပါဘူး ဗုံးလေး ခွဲရုံလေးပါ။ ခွဲတာလည်း ရတနာ ၃ ပါး ဦးထိပ်ထားပြီး ၃ လုံးတည်း ခွဲတာပါ။ လူတွေက ချဲ့ကားပြီး ရုတ်ရုတ်ရုတ်ရုတ် လုပ်ကြတာ။

ချိုကုပ်။ ။ နေပါဦး နှမတော်ရဲ့ … မြေးတော် မျောက်လောင်းနဲ့ ဘယ်လိုများ ပတ်သက်နေလို့လဲ။

ကွိုင်ကွိုင်။ ။ အဲဒီနေ့က မြေးတော်လေးက နေပြည်တော်သွားမယ်လို့ ပြောထားလို့ ရန်ကုန်မှာ ခွဲလိုက်တာ။ မြေးတော် မျောက်လောင်းက စိတ်ပြောင်းပြီး လိပ်ခေါင်း … အဲ ယောင်လို့ … စိတ်ပြောင်းပြီး တေဂွသားတွေ ငှားထားတဲ့ သြစတြေးလျက အဝှာမလေးတွေနဲ့ အဲဇလုံမှာ ကဲမယ်ဆိုပြီး ဖြစ်သွားတာကိုး။ နှမတော်က မသိလိုက်ဘဲ ယတြာချေလိုက်မိတာ။ ကံကောင်းလို့ ကံတော်ကြီးစောင်းက ဗုံးဆံက အင်းလျားထိ မလွင့်တာနော်။ အောင်မလေး ဘုရားဘုရား … ခုထိ ရင်တုန်တုန်းပဲ။

“သူ့ အမျိုးကျ သိတတ်လိုက်တာ” ဟု ဦးရုက္ခစိုးက စဉ်းစားနေသည်။

ချိုကုပ်။ ။ ဖြစ်ရလေ ကွိုင်ကွိုင်ရယ်။ ဘာအတွက်များ ယတြာချေတာလဲ။ မောင်တော်လည်း မသိရပါလား။

ကွိုင်ကွိုင်။ ။ မောင်တော်ပဲ ဆူဒန်သမ္မတကို ရွေးကောက်ပွဲမှာ နိုင်စေချင်တယ်ဆို။ သူနိုင်ရင် မောင်တော်လည်း အလိုလို တပ်ချုပ်ကြီးလုပ်ပြီး ဆက်အုပ်ချုပ်ရုံပဲဆို။ အဲဒါကြောင့် ယတြာချေပေးတာလေ။

ရုက္ခစိုး။ ။ ဟင် … ဆူဒန်ရွေးကောက်ပွဲအတွက် ယတြာချေပေးတယ် ဟုတ်လား။

ကွိုင်ကွိုင်။ ။ ဟုတ်တယ်လေ၊ ဘာလဲ သူများကို အပြစ်တင်မလို့လား၊ လူလေး ၁၀ ယောက်လောက် သေတာကိုများ ရေးကြီးခွင်ကျယ်လုပ်မနေနဲ့။ မောင်တော် အာဏာတည်မြဲရေး တို့အရေးပဲ။

ဦးရုက္ခစိုးကို ဒေါ်ကွိုင်ကွိုင်က နှုတ်သီးကောင်းလျှာပါး ရန်တွေ့လိုက်သည်။ ထိုစဉ် “ဒိုင်း” ဆိုသည့် သေနတ်သံ တသံ ကြားလိုက်ရပြီး သူတို့ရပ်နေရာ နေရာနား၌ ခိုတကောင် ပြုတ်ကျလာသည်။ ချိုကုပ်ဒူးကြီးက လက်ထဲက သေနတ်ဖြင့် မကြည့်ဘဲ ပစ်ချလိုက်ခြင်း ဖြစ်သည်။ ခို၏ ခြေထောက်တွင် စာတစောင်ချည်ထားသည်ကို တွေ့လိုက်သည်။

“မိတ်ဆွေ ချိုကုပ်။ မိတ်ဆွေ၏ ယတြာကြောင့် ကျွန်ုပ် ရွေးကောက်ပွဲတွင် အနိုင်ရကာ သမ္မတ ဆက်လုပ်နိုင်ပြီ။ ကျွန်ုပ်ကဲ့သို့ နိုင်ငံတကာက အမြင်ကတ်၊ လူတကာကို နှိပ်စက်သဖြင့် စစ်ခုံရုံးအတင်ခံနေရသူပင် ရွေးကောက်ပွဲကြီးကို နိုင်သည်ဆိုလျှင် ကျွန်ုပ်၏ ခြေဖျားမီအောင် အမြင်ကတ် မခံရသူ မိတ်ဆွေအနေနှင့် အလွယ်တကူ နိုင်မည်မှာ မြေကြီးလက်ခတ်မလွဲဟု ကျွန်ုပ် ယုံကြည်ပါသည်။ အရေးကြီးသည်က ယတြာကောင်းရန်နှင့် အစွမ်းကုန် ကလိန်ကကျစ် ကျရန်ဖြစ်သည်။ ရွေးကောက်ပွဲ တရားမဝင်ဟု သင်္ကြန်အမြောက် ဖောက်သူများကို တကယ့်အမြောက်ဆံထည့်ပြီး ပစ်ပြလိုက်ပါ။ မိတ်ဆွေကို အထူး ကျေးဇူး တင်ပါသည်။ မိတ်ဆွေအလှည့်တွင်လည်း ကျွန်ုပ် အစွမ်းကုန် ကူညီမည်။ ပုံ - ရှာမှရှားသည့် မောင်ဘရှား (ဆူဒန်သမ္မတ အသစ်စက်စက်၊ အဟောင်းလည်း ကျွန်ုပ်ပဲ)” ဟူ၍ စာတွင်ရေးထားသည်။ ချိုကုပ်ဒူးကြီးက မျက်နှာပိုး မသတ်နိုင်ဘဲ ပြုံးစိစိ လုပ်နေသည်။

ချိုကုပ်။ ။ ကိစ္စတော့ပြီးပြီ ဦးရုက္ခစိုးရေ၊ ကျုပ်ပဲ ကျန်တော့တယ်။ ကျုပ်လည်း သူ့လိုပဲ လုပ်မှာပဲ ဟဲဟဲ။ အဆွေတော်ကတော့ အားကိုးရတယ်ဗျာ။

ရုက္ခစိုး။ ။ ဗုံး တရားခံက ခုမှပဲ တွေ့တာပေါ့နော်။

ချိုကုပ်။ ။ နေဦး နေဦး။ အဲဒီလို လက်လွတ်စပယ် မပြောနဲ့ဦး။ တရားခံက ရှာရဦးမှာ။

ရုက္ခစိုး။ ။ တွေ့ပြီလေ၊ ခင်ဗျားမိန်းမပဲဟာ။

ချိုကုပ်။ ။ ဘယ်ရမလဲ …ကျုပ်က အမျိုးတော့ သိတယ်ဗျ။ ငါမကောင်းရင်၊ ငါ့အကြောင်းမရေးနဲ့၊ ငါ့မိန်းမ မကောင်းရင် သူများကို တရားခံရှာ ဆိုတဲ့အတိုင်းပဲ ...။

ချိုကုပ်ဒူးကြီးက ပြောရင်းနှင့် မျက်လုံးက ဟိုဟိုသည်သည် ကြည့်လိုက်သည်။ ထိုစဉ် ခေါင်းငိုက်စိုက် ငိုက်စိုက်နှင့် ကိုယ်ရောင် ကိုယ်ဝါ ပျိုးပြက် တောက်ပသူ တဦး အနားကို ရောက်လာသည်။

ချိုကုပ်။ ။ ဟော … တွေ့ပြီ … ဗုံးခွဲတဲ့ တရားခံ ခင်ဗျားပဲဖြစ်မယ်။ ကိုယ်ရောင်ကိုယ်ဝါ ဒီလောက် တောက်ပနေမှတော့ … ဗုံးဝယ်စရာ ပိုက်ဆံလည်း ရှိမှာပဲ။

“ဟာ … ကျုပ် သိကြားမင်းပါဗျာ။ နတ်ပြည်ပြန်တက်မလို့ဟာ ကျုပ်စီးလာတဲ့ ကျွဲကို လိုင်စင်မဲ့ဆိုပြီး မ သွားလို့ ဘာစီးပြန်ရမှန်း မသိဖြစ်နေတာ” ဟု ကိုယ်ရောင်ကိုယ်ဝါ ပျိုးပြက်သူက မျက်နှာငယ်လေးနှင့် ဖြေလိုက်သည်။

ချိုကုပ်။ ။ နားမလည်ဘူး … ။ ခင်ဗျားက လူစိမ်းပဲ။ ခင်ဗျားကိုပဲ တရားခံ လုပ်ရမယ်။

ရုက္ခစိုး။ ။ မလုပ်ပါနဲ့ဗျာ။ သိကြားမင်းက လူ့ပြည်မှာ ဗုံးကွဲလို့ စိတ်ညစ်နေရတဲ့အထဲ။ ပြန်ခိုင်းလိုက်ပါ။

သိကြား။ ။ ဟုတ်တယ်၊ ဟုတ်တယ်။ နောက်နှစ်တောင် မလာတော့ဘူးလား စဉ်းစားနေတာ။

ချိုကုပ်။ ။ သြော် … ဦးရုက္ခစိုးကပါ ရှေ့နေလိုက်တယ်ပေါ့။ ထင်ပါတယ်၊ ခင်ဗျားတို့ တကြိတ်တည်း တဉာဏ်တည်းတွေပဲ။ သေချာ စဉ်းစားလိုက်တော့ ဦးရုက္ခစိုးကလည်း ချင်းမိုင်က၊ ပြည်ပက တရားမဝင် အဖွဲ့အစည်းတွေနဲ့ အဆက်အသွယ် ရှိတယ်။ အခု သိကြားမင်း ဆိုတဲ့သူကလည်း ပြည်ပကပဲ။ စီးလာတဲ့ ကျွဲကလည်း လိုင်စင်မဲ့ … ဒီတော့ ဘာမှ စဉ်းစားစရာ မလိုဘူး။ ဖမ်းကြဟေ့ … ဖမ်းကြ။ ဗုံးခွဲတဲ့ တရားခံတွေ ဖမ်းကြ။

ချိုကုပ်ဒူးကြီးက အသံပြဲကြီးနှင့် အော်လိုက်သည်။ ဦးရုက္ခစိုးနှင့် သိကြားမင်းတို့မှာ လူသာမန်များ မဟုတ်ကြ သောကြောင့် စွမ်းအားရှင်များ၊ ကြံ့ဖွံ့များနှင့် ရဲများ မရောက်ခင်ပင် ကိုယ်ယောင်ဖျောက်ကာ ဌာနေသို့ အမြန်ဆုံး ပြန်လစ်နိုင်ခဲ့ကြသည်။

သို့ရာတွင် နောက်တနေ့ မြန်မာ့အမှောင် သတင်းစာ၌ စာလုံးမည်းကြီးများနှင့် သတင်းတပုဒ် ပါလာသည်။

“ဗုံးခွဲသည့် တရားခံ ၂ ဦးကို ချိုကုပ်ဒူးကြီးကိုယ်တိုင် တွေ့ရှိသဖြင့် အမြန်ဆုံး ဖမ်းဆီးရန် ကြိုးစားသော်လည်း အနောက်အုပ်စုနှင့် ပြည်ပြေးများ၏ ကူညီမှုကြောင့် လွတ်သွားရာ ဖမ်းဆီးနိုင်သူများကို ဆုတော်ငွေ ကျပ် ၁၀၀၀၀၀၀၀၀၀၀၀၀ တိတိ ချီးမြှင့်မည်” ဟူ၍ ဖြစ်လေတော့သည်။

ရန်ကုန်သားတာတေ Wednesday, April 21, 2010

နွားရိုင်းတွေ ခွေ့တဲ့ပွဲမှာ ငါတို့ပြည်သူတွေက မြေဇာပင်ဖြစ်ရတယ်။

နွားရိုင်းတွေ ခွေ့တဲ့ပွဲမှာ ငါတို့ပြည်သူတွေက မြေဇာပင်ဖြစ်ရတယ်။
စစ်ကျွန်အဖြစ်မှလွတ်မြောက်ရန် တိုက်ပွဲဝင်နေကြသော ယုံကြည်ချက် ညီအစ်ကိုတော်အပေါင်းတို့ခင်ဗျား.......

၂၀၁၀ အတာသင်္ကြန်အကြတ်နေ့ ဗုံးပေါက်ကွဲမှုကြောင့် နောက်ထပ် သေဆုံးမှုများမှာ ပိုမိုတိုးပွားလာနေပါသည်။ အဆိုပါ ဗုံးပေါက်ကွဲမှုကြောင့် နအဖ စစ်အစိုးရ၏ လက်အောက်ခံ စစ်တပ်မှ အရာရှိအရာခံများ ၊ မယက ဥက္ကဌ ၊ စည်ပင်ဝန်ထမ်း ၊ရယကများနှင့် အပြစ်မဲ့သော ပြည်သူများ သေဆုံးခဲ့ပါသည်။ နအဖစစ်အစိုးရ၏ လက်အောက်ခံများ သေဆုံးခြင်းမှာ ၀မ်းနည်းဖွယ်ရာ မရှိသော်လည်း ကျွန်တော်များ ဒီမိုကရေစီဘက်တော်သား အပေါင်းတို့မှ လူသားချင်း စာနာသောအားဖြင့် ကောင်းမွန်သော ဘုံဘ၀များသို့ ရောက်ရှိစေရန် ဆုတောင်းပေးခဲ့ကြပါသည်။ သေဆုံးသွားကြကုန်သော အပြစ်မဲ့ပြည်သူ များအတွက်မူ ရင်ထဲအသည်းထဲမှ လှိုက်လှုက်လှဲလှဲ ၀မ်းနည်းကြရပါသည်။ နောက်နောင်ဘ၀များတွင်လည်း စစ်အစိုးရ၏ နှိပ်စက်ညှဉ်းဆဲ သတ်ဖြတ်ခြင်းခံရသော အဖြစ်ဆိုးများမှ ကင်းဝေးကြစေရန် ဆုတောင်းမေတ္တာ ပို့သအမျှပေးဝေ ခဲ့ကြပါသည်။

ယနေ့အထိ ဗုံးပေါက်ကွဲမှုကြောင့် သေဆုံးသူဦးရေမှာ အယောက်၄၀ကျော်ပြီ ဖြစ်ကြောင်း ခိုင်လုံသော သတင်းရပ်ကွက်မှ ရရှိပါသည်။ ၁၉.၄.၂၀၁၀နေ့အထိ ရေဝေးသုဿန်တွင် ဗုံးပေါက်ကွဲမှုကြောင့် သေဆုံးသူများကို သဂြိုဟ်ခဲ့ရာ ၁၀ဦးတိတိ ရှိပြီဖြစ်ကြောင်း၊ ထိန်ပင်သုဿန်၌ သဂြိုဟ်မှု ဦးရေမည်မျှရှိသည်ကို အတိအကျ မပြောဆိုနိုင်သေးကြောင်း၊ ဒဏ်ရာရထားသူ များမှာလည်း နောက်ထပ် သေဆုံးနိုင်ဖွယ်ရာရှိကြောင်း ကြားသိခဲ့ရပါသည်။ ယနေ့မွန်းလွဲပိုင်း ၂ နာရီ တွင် ရေဝေးသုဿန်၌ မီးသဂြိုလ်ခဲ့သော သေဆုံးသူ လူငယ်လေးမှာ မောင်ပိုင်ပိုင်ဦး အသက်(၁၈)နှစ်ဖြစ်ကြောင်း၊၄င်းလူငယ်လေးသည် ဗုံးပေါက်ကွဲမှုကြောင့် ဦးခေါင်းနောက်စေ့တွင် ဒဏ်ရာရရှိခဲ့ပြီး ၁၇.၄.၂၀၁၀ နေ့လည် ၁း၄၅ အချိန်တွင် ရန်ကုန်ဆေးရုံကြီး ဦးနှောက်နှင့် အာရုံကြောဌာန၌ သေဆုံးသွားခြင်းဖြစ်ပါသည်။


ဗုံးပေါက်ကွဲမှု၏ နောက်ဆက်တွဲသတင်းများမှာ နအဖစစ်အစိုးရ၏ ခေါင်းဆောင်သန်းရွှေ၏ မြေး ဗိုလ်ချုပ်မှုးလေး ဖိုးလပြည့်အား စစ်ဖက်မှ ဗိုလ်ချုပ်တစ်ဦး၏ သားဖြစ်သူမှ လုပ်ကြံခြင်းဖြစ်ကြောင်း သတင်းများ ထွက်ပေါ်လျှက်ရှိပါသည်။ ယင်းပေါက်ကွဲမှု မဖြစ်ပွားခင် ၂ရက်အလိုတွင် စရဖ ထောက်လှမ်းရေးအဖွဲ့မှ သတင်းကြိုတင်ရကြောင်း၊ ယင်းဖေါက်ခွဲရေးဗုံးကို X20 မဏ္ဍာပ်ပေါ်မှနေ၍ LINCONL ကုမ္ပဏီမှဆေးလိပ်များ၊ အရက်ပုလင်းများ ကြဲချရာတွင် ရော၍ပစ်ချကြောင်း၊ ဖေါက်ခွဲမှုပြုလုပ်သူများမှာ နအဖစစ်အစိုးရ စွပ်စွဲပြောဆိုနေသော တိုင်းရင်းသားအဖွဲ့အစည်း၊ ကျောင်းသားအဖွဲ့အစည်းများ မဟုတ်ဘဲ နအဖစစ်အစိုးရ စစ်တပ်မှ လူများအချင်းချင်း လုပ်ကြံမှုဖြစ်ပါကြောင်း ခိုင်လုံသေချာတိကျသော သတင်းရပ်ကွက်များမှ ပေးပို့လာပါသည်။

လေးစားဦးညွှတ်လျှက်

Burma paparazi

http://www.demowaiyan.co.cc/ မှကူးယူဖေါ်ပြပါသည်။

ရန်ကုန်သကြန် ဗုံးပေါက်ကွဲပြီးမြင်ကွင်း

ပန်းပိတောက်တွေမပွင့်တော့တဲ့မြေ

ဒီမြေမှာခြောက်သွေ့မှုတွေနဲ့
ဒါတို့တိုင်းပြည်
သင်္ကြန်မိုးရေ
သက်ဆင်းရန်ခွင့်မသာတဲ့
ခြောက်ကပ်ကပ်တို့ရဲ့မြေ

အာခေါင်ခြောက်သွေ့
တမ်းတမွတ်သိပ်နေတဲ့
ဆန္ဒတွေခေါင်းပါးနေခဲ့တဲ့မြေ
ညစ်ထေးတဲ့မြေမှာ
နှစ်သစ်ကိုကြိုတဲ့ ပ်ိတောက်လဲ
မပွင့်နိုင်ရှာတော့ပဲ ပူလောင်နေတဲ့မြေ

ဆိုးညစ်မှုတွေလွမ်းခြုံတဲ့ အမှောင်တွေ
မိုက်နေတဲ့မြေ
အေးချမ်းအောင်စွမ်းဆောင်ကျပါစို့
တို့အဓိဌါန်မေတ္တာပို့သလိုက်တဲ့
ဒီမြေ ဒီရေ ဒီတိုင်းပြေ
နှစ်သစ်ကိုကြိုဆိုဖို့ လှမ်းထွက်ခဲ့ညီညီညာ

ကဒေါင်းတွေညင်သာနေလို့
အမိုက်မှောင်ဖုံးလေရော့သလား
သိကြားသာသနာမှာ
သောကြာတွေအတာစားလေတော့
ညာညီညီလှမ်းထွက်ရင်ဖြင့်
အိမ်နီးချင်းသူငယ်ချင်းတောင်
နိုးထပေါ့ ညီညီညာ

တို့ ဗမာ နီရောင်သွေးတွေက
ခွပ်ဒေါင်းတွေ နီရောင်ပြောင်းကာ က
သွားကျစို့ခေတ်သစ်ဆီ ညာညီညီလှမ်း


ကောင်းစုလင်း






ကဒေါင်းတွေညင်သာနေလို့ အမိုက်မှောင်ဖုံးလေရော့သလား

၅ ကြိမ်မြောက် ထုတ်ဝေဖြန့်ချီသော ABMA ဂျာနယ်

ABMA Journal Volume 1 No 5

အဝါရောင် သကြန် မှသည် ဒီမိုကရေစီသို့........

လူထုခေါင်းဆောင်ဒေါ်အောင်ဆန်းစုကြည် ၊ NLD အမျိုးသားဒီမိုကရေစီအဖွဲ့ချုပ် နဲ့ ဒီမိုကရေစီ ကိုထောက်ခံ တဲ့ အနေနဲ့ သင်္ကြန်တွင်း အဝါ ရောင်တွေ များများ ဝတ်ကြဘို့အဝါရောင် သင်္ကေတ တွေဝတ်ဆင်ကြပါ ဆိုပြီး BLOG ... နှင့် Web side ..C-Box များတွင် အမြောက် အများ တိုက်တွန်းလာကြပြီ...........

ထိုသို့ ဆန့် ကြင်မှုများ ဆက်တိုက်လုပ်သင့်ပြီ......

အဖွဲ့ အစည်းများမှလဲ ဒီ Campaign ကိုထောက်ခံသင့်သည်။

ဖိုးရှုပ်လေး

လူ့ဘောင်သစ်ပါတီနှင့် အမည်တူအဖွဲ့ စစ်အစိုးရထံတွင် မှတ်ပုံတင်

လူ့ဘောင်သစ်ပါတီနှင့် အမည်တူအဖွဲ့ စစ်အစိုးရထံတွင် မှတ်ပုံတင်

မိုးမခ အထောက်တော် အမှတ် ၀၀၂

ဧပြီ ၆၊ ၂၀၁၀
လူ့ဘောင်သစ်က ဖြန့်ဝေသည့် ပို့စကတ်။ လူ့ဘောင်သစ်ပါတီ၏ နောက်ခံသမိုင်းကို http://www.dpnsburmese.org/?page_id=2 တွင် တွေ့နိုင်သည်

နာမည်ကြီး ပါတီများ၏ အမည်တို့ဖြင့် နိုင်ငံရေးအဖွဲ့များ ဖွဲ့စည်း လှုပ်ရှားနေချိန်တွင် လူ့ဘောင်သစ် ဒီမိုကရစ်တစ်ပါတီ (DPNS) ၏ အမည်ကို ဆင်တူယိုးမှား ပြုလုပ်ထားသည့် အဖွဲ့တခု ပေါ်ပေါက်လာသည်။

ယနေ့ထုတ် စစ်အစိုးရ သတင်းစာများတွင် “မြန်မာ့လူ့ဘောင်သစ် ဒီမိုကရက်တစ်ပါတီ” အမည်ရှိ အဖွဲ့တခုသည် နိုင်ငံရေးပါတီ ဖွဲ့စည်းရန် ရွေးကောက်ပွဲကော်မရှင်တွင် လျှောက်လွှာတင်ထားကြောင်း ဖော်ပြထားသည်။

ထိုအဖွဲ့သည် ၎င်းတို့နှင့် လုံးဝ သက်ဆိုင်ခြင်း မရှိကြောင်း DPNS တွဲဖက် အထွေထွေ အတွင်းရေးမှူး ကိုငွေလင်းက မိုးမခကို ပြောသည်။

DPNS သည် ၂၀၀၈ အခြေခံ ဥပဒေအောက်တွင် ပြုလုပ်မည့် ရွေးကောက်ပွဲကို ဆန့်ကျင်သည်ဟု ထိုင်းမြန်မာ နယ်စပ်တွင် အခြေစိုက်သည့် ကိုငွေလင်းက ပြောသည်။

လူ့ဘောင်သစ် အမည်ခံပြီး ရွေးကောက်ပွဲကော်မရှင် မှတ်ပုံတင်ရန် ကြိုးပမ်းနေသူများက ၎င်းတို့ မည်သူမည်ဝါတို့ ဖြစ်ကြောင်း ကြေညာခြင်း မရှိသေးပေ။

ကိုငွေလင်းကမူ ထိုပုဂ္ဂိုလ်များသည် DPNS နှင့် လွန်ခဲ့သော နှစ်ပေါင်းများစွာကပင် ကင်းကွာခဲ့သူများ၊ DPNS နှင့် မူဝါဒချင်း မတူညီသူများ ဖြစ်သည်ဟု ဆိုသည်။

မကြာသေးမီက ရန်ကုန်တိုင်း သံလျင်မြို့နယ်တွင် စည်းရုံးရေးလုပ်ငန်းများ လုပ်ကိုင်ခဲ့သော ကိုဇင်အောင် ဆိုသူ ပါဝင်နိုင်ဖွယ် ရှိသည်ဟု ကိုငွေလင်းက ပြောသည်။

DPNS အဖွဲ့ဝင်ဟောင်း ကိုဇင်အောင်သည် ယမန်နှစ်က လူဘောင်သစ်ဒီမိုကရက်တစ်ပါတီ (ပြည်ထောင်စုမြန်မာနိုင်ငံ) ဟူသော အမည်ဖြင့် စစ်အစိုးရ ထောက်ခံရေး ဟောပြောပွဲတွင် ဦးဆောင်ခဲ့သူဖြစ်သည်။ ပြီးခဲ့သည့် နှစ်ပိုင်းအတွင်း နာမည်ကြီးလာသည့် ကိုအေးလွင် ဆိုသူနှင့် နီးစပ်သူဖြစ်သည်ဟု သိရသည်။

DPNS နည်းတူ အမျိုးသား ဒီမိုကရေစီ အဖွဲ့ချုပ် NLD ၏ အမည်ကိုလည်း နိုင်ငံရေးသမား တချို့က ဆင်တူယိုးမှား ပြုလုပ်နေကြသည်။ ၎င်းတို့မှာ ၀ံသာနု NLD အဖွဲ့၊ အမျိုးသား လူငယ် NLD (မြန်မာနိုင်ငံ)၊ ဒီမို NLD ဟူသော အဖွဲ့များ ဖြစ်သည်။ ထိုအဖွဲ့များ၏ တူညီသော အချက်တခုမှာ ၂၀၁၀ ရွေးကောက်ပွဲကို ထောက်ခံကြခြင်း ဖြစ်ပြီး နေရာအများအပြားတွင် ဟောပြောစည်းရုံးမှုများ ပြုလုပ်နေကြခြင်း ဖြစ်သည်။

မိုးမခမှ

နယ်ခြားစောင့်တပ် အသွင်ပြောင်းရေး KIA အဖွဲ့ ဖိအားပေးခံနေရခြင်း

နယ်ခြားစောင့်တပ် အသွင်ပြောင်းရေး KIA အဖွဲ့ ဖိအားပေးခံနေရခြင်း

စစ်အစိုးရသည် ၄င်းတို့နှင့်ငြိမ်းချမ်းရေးရယူထားသော တိုင်းရင်းသားလက်နက် ကိုင်အဖွဲ့များ အပေါ် နယ်ခြားစောင့်တပ်များအဖြစ် ဖွဲ့စည်းရေးအတွက် နည်းလမ်းအမျိုးမျိုးဖြင့် ဖိအားပေး တိုက်တွန်းလျက် ရှိနေရာတွင် ကချင်ပြည်လွတ်မြောက်ရေးတပ်မတော် KIA အဖွဲ့ အနေဖြင့် နယ်ခြားစောင့်တပ် ဖွဲ့စည်းရေးကိစ္စကို ယနေ့အချိန်ထိ ထိပ်ပိုင်းခေါင်းဆောင်များအတွင်း ဆွေးနွေး အဖြေရှာနေဆဲဖြစ်ကြောင်း လိုင်ဇာမှ အမည်မဖော်လိုသူ KIA တာဝန်ရှိသူတစ်ဦးမှ ပြောကြားခဲ့ပါသည်။

KIO ခေါင်းဆောင်အများစုမှာ အသက်အရွယ်ကြီးလာသည့်အားလျော်စွာ စစ်အစိုးရ၏မူဝါဒအတိုင်း အသွင်ကူးပြောင်းရေးလုပ်ဆောင်လိုကြသော်လည်း အလယ်အလတ်ခေါင်းဆောင်ပိုင်းအချို့ကမူ နယ်ခြားစောင့်တပ် ဖွဲ့စည်းရေးကို လက်မခံလိုသူများရှိနေသည့်အတွက် ဘေးကြပ် နံကြပ်ဆိုက်နေရသည်။ လက်ရှိ KIO အဖွဲ့၏ ဥက္ကဌနှင့် ဒုဥက္ကဌဆိုသူများမှာ ရုပ်ပြသက်သက်သာဖြစ်နေရပြီး အဓိကအားဖြင့် ဦးအင်ဘန်လမှ ကြီးစိုး ချယ်လှယ်နေကာ အဖွဲ့အစည်းပိုင်ငွေကြေးကိစ္စရပ်အ၀၀ကို ၄င်းစိတ်တိုင်းကျ စီမံခန့်ခွဲသုံးစွဲလျက်ရှိသည်။ ဦးအင်ဘန်လသည် ယခုလက်ရှိ KIO အဖွဲ့အတွက် အဆုံးအဖြတ်ပေးရမဲ့ အရေးကြီးဆုံးအချိန်မှာ မည်သည့် အကြံဥာဏ်မှ မပေးနိုင်ပဲ ကျန်းမာရေးကိုအကြောင်းပြပြီး နိုင်ငံရပ်ခြားသို့ သွားရောက်တိမ်းရှောင် နေပါသည်။ KIO အဖွဲ့အတွင်း ဥက္ကဌ ဦးဇောင်းခရား နှင့် ဒုဥက္ကဌ ဦးဂေါ်ရီဇော်ဆိုင်းတို့ သြဇာကျဆင်းနေသည့်အချိန်ဖြစ်နေပြီး တပ်ဖွဲ့ ၀င်များကို ဆက်လက်ထိန်းသိမ်းရန် အင်အားမရှိဖြစ်နေရရှာသည်။

KIA တွင် အစဉ်အလာမရှိသည့် ဗိုလ်ချုပ် ဂမ်ရှောင်အဖွဲ့ မှ သဘောထားတင်းမာနေပြီး KIO လူကြီးများနှင့် သဘောကွဲလွဲလျက်ရှိကြောင်း ဗိုလ်ချုပ် ဂမ်ရှောင် သည် တဇွတ်ထိုးလုပ်တက်ပြီး မူးယစ်ဆေးဝါးလုပ်ငန်းများ နှင့်လည်း မကင်းသူအဖြစ် လိုင်ဇာတွင်သတင်းကြီးနေသူဖြစ်ပါသည်။ KIO ထိပ်ပိုင်းခေါင်းဆောင်အများစုအနေဖြင့် တရုတ်နယ်စပ်လိုင်ဇာဒေသတွင် မနေထိုင်လိုကြဘဲ မြစ်ကြီးနားမြို့ပေါ်တွင်သာ နေထိုင်လိုတဲ့ ဆန္ဒရှိနေကြပါသည်။ အချို့ KIO ခေါင်းဆောင်ပိုင်းသည် KIA မှ နှုတ်ထွက်ပြီး နိုင်ငံရေးပါတီတစ်ရပ်အဖြစ် အသွင်ပြောင်းထားသည့် ပုဂ္ဂိုလ်များလည်းရှိနေပါသည်။

KIA စစ်ြပင်ဆင်မှုနှင့်ပတ်သက်၍ ``၁၉၈၉ နောက်ပိုင်း ဝေးလံသည့်အတွင်းပိုင်းဒေသများအထိ လွယ်ကူစွာသွားလာနိုင်ပြီဖြစ်နေသည့်အတွက်ကြောင့် ယခင်တစ်ချိန်ကလို ပြောက်ကျားစစ်ကြာရှည်စွာ ဆင်နွှဲနိုင်မည် မဟုတ်ကြောင်း၊ လက်အောက်ငယ်သားများမှာလည်း မြို့ပေါ်တွင် အေးဆေးစွာနေထိုင်လိုသူ များပြားသဖြင့် ရေရှည်စစ်ပြန်လည် ဆင်နွှဲရန်မဖြစ်နိုင်ကြောင်း´´ တရုတ်-မြန်မာနယ်စပ် စစ်ရေးအကဲခတ်များက သုံးသပ်ထားပါသည်။ တရုတ်ဘက်ကလည်း ၄င်း၏နယ်စပ်တလျှောက်မှာ မတည်ငြိမ်မှု ပြန်ဖြစ်လာမှာကို စိုးရိမ်နေပြီး KIO အတွက် နေရာမပေးနိုင်ကြောင်း၊ ကချင်ပြည်နယ်အတွင်း တရုတ်၏ရင်းနှီးမြှပ်နှံမှုများ ရှိနေသဖြင့် KIA အား စစ်ရေးအထောက်အကူမပြုနိုင်ကြောင်း KIO သို့ တရုတ်မှ ဖိအားပေးလျက်ရှိပါသည်။

ကချင်ပြည်လူထု နဲ့ ကချင်အတိုင်ပင်ခံခေါင်းဆောင်များက KIO အဖွဲ့ကို နယ်ခြားစောင့်တပ် အဖြစ် မြင်လိုကြပြီး ကချင်ပြည် တည်ငြိမ်အေးချမ်းရေးကိုသာ လိုလားကြသည်။ သေနတ်သံများတစ်ဖန် ပြန်လည်ကြားရမည်ဆိုလျှင် လက်ရှိ KIA ခေါင်းဆောင်ပိုင်းတွင် စစ်ပွဲကို ဦးဆောင်မည့် ခေါင်းဆောင်မရှိဘဲ လက်အောက်ငယ်သားအချို့ စစ်မတိုက်လိုမှုတွေကြောင့် ထွက်ပြေးမှုများနှင့်သာ ရင်ဆိုင်ရဖွယ်ရှိနေပါသည်။

GMAIL မှတဆင့်ပေးပို့လာသူအား ကျေးဇူးတင်လျှက်

ကိုကျော်သူ၏ facebook အင်တာနက်စာမျက်နှာအား အနှောင့်အယှက်ပေးသူများမှ နှောင့်ယှက်ခဲ့ကြ။

လူမှုရေးလုပ်ငန်းများ လုပ်ဆောင်နေသော ကိုကျော်သူအား သူ၏ နာရေးကူညီမှုအသင်း(ရန်ကုန်)နှင့် ပတ်သက်သော သတင်း၊ ဆောင်းပါးများ ပါရှိနေသည့် Facebook Website ရှိ KyawthuFans တွင် Post များ၊ Comments များ ရေးသားမရခြင်းနှင့် သတင်းဆောင်းပါးအသစ်များ မပါရှိတော့သည့်အတွက် မေးမြန်း ကြည့်ရာတွင် ကိုကျော်သူမှ အောက်ပါအတိုင်း ပြန်လည်ဖြေကြားခဲ့ပါသည်။

(ဟုတ်တယ် … Facebook Website က ကျွန်တော်ရဲ့ Kyawthufans ဆိုတာ .. ကျွန်တော်ရဲ့ Fan ပရိတ်သတ်တွေက လုပ်ပေးထားတာ။ ဒါကြောင့်လဲ ကျွန်တော်ရဲ့ လူမှုရေးကူညီမှု ကိစ္စတွေကို ပရိတ်သတ်ကို ချပြနိုင်ခဲ့ပါတယ်။ ကိုယ်ကျိုးမပါတဲ့ လုပ်ရပ်ပါ။ ဒါပေမယ့် (၃) ပတ်လောက်ရှိပြီ။ တစ်စုံတစ်ယောက် ဒါမှမဟုတ် အဖွဲ့အစည်းတစ်ခုကနေ အဲဒီ Facebook Website ကုမ္မဏီကို လုပ်ကြံဇာတ်ခင်းပြီး ပိတ်ခိုင်းလိုက်တာ။ နာရေးကူညီမှုအသင်း(ရန်ကုန်)ရဲ့ Gmail (ဂျီမေး)ကိုလည်း ပိတ်မယ် .. ဘာညာနဲ့ Warning (သတိ) ပေးပြီး အကြောင်းကြား စာပို့ခံရတယ်။

ဘာတွေလည်းဗျာ .. အေးအေးဆေးဆေး အခမဲ့ မသာချပေးနေတဲ့ သူကို လာတိုက်ခိုက်တာ။ အခမဲ့ မသာချပေးနေတဲ့ သူကို မနာလိုတွေဖြစ်နေတာ။ ရှင်းရှင်းပြောရရင် ကျွန်တော် အလုပ်ကြံခံရတာပဲ။ ကျွန်တော်ကတော့ အေးဆေးပါ။ ဒါပေမယ့် ကျွန်တော်နဲ့ ပတ်သက်နေတဲ့ ပုဂ္ဂိုလ်ပိုင်းကတော့ ဒီအတိုင်း ကြည့်နေမှာ မဟုတ်ဘူး။ ၀ဋ်လည်လိမ့်မယ်လို့ပဲ ပြောလိုက်ပါမယ်။ ကိုယ့်ပြုသောကံ ပဲ့တင်သံ ကိုယ့်ထံပြန်လာမယ်နော့ . . . . ။

ကျွန်တော် နောက်ထပ်ပြီးတော့တင်ဖို့ ဆောင်းပါးလေးတွေ ရေးထားတာ ရှိတယ်။ ယခု ကျွန်တော်ရဲ့ kyawthufans အပိတ်ခံထားရတော့ နာရေးကူညီမှုအသင်း(ရန်ကုန်)ရဲ့ သတင်း၊ ဆောင်းပါးတွေတင်ဖို့ ရေးထားတာတွေလည်း တင်လို့မရဘူး ဖြစ်နေတာပေါ့။ ကျွန်တော် “ မျိုးဆက်သစ် Hip Hop လူမှုရေး သူရဲကောင်းများ” ဆိုတဲ့ ဆောင်းပါးလေး တင်ဖို့ ရှိပါတယ်။ တင်လို့ပြန်ရခဲ့ရင်တော့ Fans ပရိတ်သတ်များ အသစ်ထပ်ပြီး ဖတ်ရှုအားပေးလို့ ရမှာပါ…) ဟု ဖြေကြားသွားပါသည်။

(ပေးပို့ လာသူ ဘားမား ပါပါရာဇီအား ကျေးဇူးတင်ရှိပါသည်)။

ကိုနစ်ဆီ မှ

နအဖ ခေါင်းဆောင်အမည်နဲ့ “ဘ၀နတ်ထံပျံ”စကားလုံးတွဲသည့် သတင်းစာခေါင်းစဉ်ကြောင့် ပြဿနာဖြစ်

ဧပြီလ တရက်နေ့ထုတ် အစိုးရသတင်းစာ ခေါင်းစဉ်တွင် ဗိုလ်ချုပ်မှူးကြီး သန်းရွှေ၏ အမည်နှင့် ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ထားဖေါ်ပြခဲ့ခြင်းကြောင့် သတင်းစာတိုက်မှ ၀န်ထမ်းများ ပြဿနာဖြစ်နေကြောင်း ကြားသိရသည်

ပြီးခဲ့သည့် ရက်ပိုင်းက ပျံလွန်တော်မူ ခဲ့သည့် နိုင်ငံတော်ဗဟို သံဃာ့ဝန်ဆောင် အဖွဲ့ဥက္ကဌ မကွေးဆရာတော်၏ ရုပ်ကလပ်ကို နအဖ ခေါင်းဆောင် ဗိုလ်ချုပ်မှူးကြီး သန်းရွှေက ဖူးမြော်ကန်တော့ ဆိုသည့် သတင်းကို ရေးသားရာတွင် သတင်းခေါင်းစဉ်နေရာတွင် ဗိုလ်ချုပ်မှူးကြီး အမည်ကို ရှေ့ဆုံးမှ တင်ရိုးထုံးစံရှိသည့် အတိုင်းရေးသားပြီးမှ `ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ဖေါ်ပြခဲ့ရာ နအဖ ခေါင်းဆောင်အတွက် မကောင်းသည့် နိမိတ်အဖြစ် ယူဆက သတင်းစာတိုက်မှ ၀န်ထမ်းများ ပြစ်တင်ပြောဆိုခံရခြင်း ဖြစ်သည်။

နအဖ ခေါင်းဆောင်များနှင့် ပတ်သက်သည့် သတင်းများရေးသားရာတွင် သတင်းစာပညာရပ်၏ ထုံးထမ်းနည်းနာများကို ဆန့်ကျင်ပြီး အစဉ်အမြဲ ရှေ့ဆုံးသို့မဟုတ် ထိပ်ဆုံးမှ ဖေါ်ပြရေးသား ခံလိုခြင်း၊ ဘွဲ့နှင့် ရာထူးအပြည့်အစုံကို မည်သည့် သတင်းတွင်မဆို ရေးသားရမည့် ထုံးစံရှိခြင်းတို့ကြောင့် အစိုးရပိုင် သတင်းစာ အနေဖြင့် သတင်းစာပညာ သင်ကြားချက်များကို လျစ်လျူရှုကာ အာဏာရှင်များအကြိုက် ရေးသားဖေါ်ပြ နေကြရသည်။

ထိုသို့ အရှေ့ဆုံးမှ ဖေါ်ပြရမည်ဟူသည့် ညွှန်ကြားချက် အတိုင်းရေးသားခဲ့ရာမှ ယခုလို ရုတ်တရက် နားလည်မှုလွဲစေနိုင်သည့် သတင်းခေါင်းစဉ်မျိုး ပေါ်ထွက်လာခြင်းဖြစ်သည်ဟု ပြည်တွင်းမှ ၀ါရင့် သတင်းထောက် တဦးက ပြောသည်။

အဆိုပါ သတင်းထောက်က

“အစိုးရသတင်းစာ မှာ နအဖခေါင်းဆောင် တွေအကြောင်းရေးသား ဖေါ်ပြတယ်ဆိုရင် အဲဒီသတင်းတွေဟာ သတင်းစာပညာအရာ အညံ့ဆုံး နမူနာတွေ ဖြစ်နေတတ်တယ်။ ဘာကြောင့်လဲဆို တိုအောင် ရှင်းအောင် စာဖတ်သူနားလည်လွယ်အောင် ရေးခွင့်မရှိပဲ သူတို့ရဲ့ ဘွဲ့ထူးဂုဏ်ပုဒ်တွေကို တန်းစီပြီး ရေးလိုက်တာ စာကြောင်းသုံးကြောင်း လောက်ရောက်တာတောင် ဘယ်သူဆိုတာ မသိနိုင်သေးတဲ့အဖြစ်မျိုး၊

နောက်တခါ ဘာသတင်းလဲ ဆိုတာထက် လာကြည့်တဲ့သူ၊ လာစစ်ဆေးတဲ့သူကို ဦးစားပေးဖေါ်ပြတဲ့ အတွက်မူရင်းရေးချင်တဲ့ အကြောင်းက နောက်မှာ မှိန်မှိန်ပဲ ကျန်တော့တဲ့ ဟာမျိုး၊

နောက် နိုင်ငံခြားခေါင်းဆောင်တွေ လာတွေ့တယ်ဆို ဘာတွေဆွေးနွေးတယ် ဆိုတာတလုံးတပါဒမှ မပါဘဲ ၊ ဘယ်သူတွေရှိနေကြတယ်ဆိုတာပဲ ပါတာမျိုးပေါ့ ဒါကြောင့် သတင်းစာပညာ သင်တန်းတွေမှာ အညံ့ဆုံး ဥပမာပေးရင် အစိုးရသတင်းစာက သတင်းတွေကို ဥပမာပေးလေ့ရှိတာ”

ဟု ဆိုသည်။

ယခုအဖြစ်အပျက်ကြောင့် အစိုးရသတင်းစာတိုက်မှ တာဝန်ရှိ ၀န်ထမ်းများအား ဖမ်းဆီးခြင်းသို့မဟုတ် ရာထူးမှ ထုတ်ပယ်ခြင်းမျိုး မကြားသိရသေးသော်လည်း ဖြေရှင်းတောင်းပန်ရသည်ဆိုသည့် အနေအထားတွင် ရှိသည်ဟု အစိုးရ သတင်းစာတိုက်ဝန်ထမ်း တဦးကပြောသည်။

လွန်ခဲ့သည့် ဆယ်စုနှစ် တစ်ခုအတွင်းတွင် ဗိုလ်ချုပ်ခင်ညွှန့်သတင်းနှင့် ကမ္ဘာ့လူလိမ်ကြီးများဟူသည့် သတင်းတို့ကို ဟိုဘက်ဒီဘက် ဖေါ်ပြမိသည့် အတွက်သတင်းစာတိုက်ဝန်ထမ်းများ အဖမ်းခံရခြင်း၊ ဆူပူမှုဖြင့် ဒီမိုကရေစီမရနိုင် ဆိုသည့် စကားရပ်ကို `မ´ဖြုတ်လိုက်ပြီး ဒီမိုကရေစီရနိုင် ဟုဖေါ်ပြမိသဖြင့် ၀န်ထမ်းများ စစ်ဆေးခံရပြီး အလုပ်မှထုတ်ပယ်ခဲ့ခြင်း တို့မကြာခဏဖြစ်ပွားခဲ့သည်။

မိုးမခ အထောက်တော်၊ ရန်ကုန် ဧပြီ ၃၊ ၂၀၁၀ မိုးမခ ကူးယူဖော်ပြသည်

ဗိုလ်ချူပ်မှူးကြီး သန်းရွှေ ……. ဖြေပါ…..။

ဗိုလ်ချူပ်မှူးကြီး သန်းရွှေ ……. ဖြေပါ…..။

၁။ စစ်အစိုးရ၏ တို့တာဝန်အရေး(၃)ပါးမှ တိုင်းရင်းသားစည်းလုံးညီညွတ်မှု

မပြိုကွဲရေး…
ဒို့အရေး…ဆိုသည့်အချက်အတိုင်း.. စစ်အစိုးရမှ တိုင်းရင်းသားညီညွတ်ရေး ကိုအမှန်
တကယ်လုပ်ဆောင်နေပါသလား….။

၂။ ယခုစစ်အစိုးရအဖွဲ့နှင့် စစ်ဗိုလ်ချုပ်များထဲတွင် တိုင်းရင်းသား ဘယ်နှစ်ဦးမျှပါဝင်ပါသနည်း။

၃။ ယခုစစ်အစိုးရမှထုတ်ပြန်သော ရွေးကောက်ပွဲဥပဒေများထဲမှကန့်သတ်ချူပ်ချယ်မှုများသည်
ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် နှင့် မတရား ထောင်သွင်းအကျဉ်းကျ ခံနေရသော (သို့) ယုံကြည်ချက်ဖြင့်
အကျဉ်းကျခံနေရသောနိုင်ငံရေးအင်အားစုများကိုဦးတည် ကန့်သတ်မှုဖြစ်ပါသလား…။

၎။ တပ်မတော်၏ စစ်သားအရင့်အမာကြီး များဖြစ်သော လက်နက်ကိုင်စစ်ဗိုလ်ချူပ်ကြီး များအနေဖြင့် မည်သည့်Aတွက်ကြောင့်
ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်နှင့် အတိုက်အခံနိုင်ငံရေးအင်အားစုများ အပေါ်အလွန်ကြောက်ရွံရပါသလဲ။

၅။ စိတ်တိုင်းကျရေးဆွဲထားသော ၂၀၀၈ ဖွဲ့စည်းအုပ်ချုပ်ပုံအခြေခံဥပဒေတွင်လေးပုံတပုံသော လွတ်တော်ကိုယ်စားလှယ်များကိုစစ်တပ်
မှနေရာယူ အကျောရထားပြီး ရိုးသားသောနည်း…တရားမျှတသောနည်းလမ်း တို့ဖြင့် ဒေါ်အောင်ဆန်စုကြည်၏အမျိုးသားဒီမိုကရေစီ
အဖွဲ့ချုပ်အပါအ၀င်နိုင်ငံရေးအင်အားစုများနှင့် မည်သည့်အတွက်ကြောင့် စစ်အစိုးရသည်လိပ်ပြာသန့်စွာမယှဉ်ပြိုင်ဝံပါသလဲ…။

၆။ လူမိုက်ဂိုဏ်းဆန်သောစွမ်းအားရှင်…လက်ပါးစေကြံဖွတ်အဖွဲ့ တို့်ကို မည်ကဲ့သို့အသုံးချရန်အတွက် ဖွဲ့စည်းခဲ့ပါသလဲ…။

၇။ ဒီပဲယင်းအရေးအခင်း (၃၀-မေ-၂၀၀၃) ၏ အဓိကတရားခံ မှာမည်သူဖြစ်ပါသနည်း…။

၈။ နိုင်ငံတကာမျက်နှာစာတွင် နိုင်ငံရေးအင်အားစုအားလုံး ပါဝင်နိုင်သောလွတ်လပ်ပြီး တရားမျှတသောရွေးကောက်ပွဲကျင်းပပေးမည်
ဟူ၍၄င်း၊အမျိုးမျိုးကတိပေးပြောကြားခဲ့ပြီးအကြိမ်ကြိမ်ကတိဖျက်နေခြင်းသည်၎င်း၊ မြန်မာနိုင်ငံတွင်နိုင်ငံရေးအကျဉ်းသားမရှိဟု၎င်း
မျက်နှာပြောင်ပြောင်ဖြင့်ဗြောင်ငြင်းဆန်နေခြင်းတို့သည် လူကြီးလူကောင်းဆန်သည်ဟု အာဏာရှင်စစ်ဗိုလ်ချူပ်ကြီးများယူဆပါသလား

၉။ ပြည်ပအားကိုးပုဆိန်ရိုး-အဆိုးမြင်ဝါဒီများအားဆန့်ကျင်ကျ…ဟူ၍ပြည်သူ့သဘောထားတွင်ပါရှိပါသည်။ တရုတ်၊ ရုရှားနှင့်နံမည်ပျက်
လူမိုက်စာရင်းဝင်မြောက်ကိုးရီးယားတို့ကို အားကိုးဖားယားဆက်ဆံနေရသူများမှာ ပြည်ပအားကိုးသောပုဆိန်ရိုးများဟုတ်ပါ၏လော.။

၁၀။ ၄င်းပြည်ပအားကိုး ပုဆိန်ရိုးများမှာမည်သူများဖြစ်ပါသနည်း။

၁၁။ မြန်မာသမိုင်းအစဉ်အလာတွင် ဗိုလ်ချုပ်ကြီးနေ၀င်း၊ ဗိုလ်ချူပ်မှူးကြီးစောမောင်နှင့် နိုင်ငံရေးအရှိန်အ၀ါအင်အားကြီးထွားလာသော
ဗိုလ်ချူပ်ကြီးခင်ညွန့် အစရှိသည့် တိုင်းပြည်ခေါင်းဆောင်(ခေါ်) အာဏာရှင်များနှင့် ၄င်းတို့၏အပေါင်းအပါ များသည် မည်သူတဦး
တယောက်မျှအစဉ်အလာမကောင်းခဲ့ပါ.၊ယခုအာဏာရှင်ဗိုလ်ချူပ်မှူးကြီးသန်းရွှေ နှင့်ထိပ်တန်းစစ်ဗိုလ်ချူပ်ကြီးများ၏ရှေ့အနာဂါတ်
ရေးကောင်းမည်ဟုယူဆပါသလား…။

၁၂။ အာဏာရှင်ဗိုလ်ချူပ်မှူးကြီးသန်းရွှေ အနေဖြင့် မိမိ၏အတ္တနှင့် အာဏာရရှိတည်မြဲရေးအတွက် ဗိုလ်ချုပ်ကြီးနေ၀င်း၊ ဗိုလ်ချူပ်မှူးကြီး
စောမောင်တို့အပေါ် သစ္စာစောင့်သိခဲ့ပါသလား..။

၁၃။ အာဏာရှင်ဗိုလ်ချူပ်မှူးကြီးသန်းရွှေ အပေါ် နောင်လာနောင်သား စစ်ဗိုလ်ချူပ်များ မိမိအပေါ် ထာဝရသစ္စာ စောင့်သိ နေမည်ဟု
ယုံကြည် ယူဆပါသလား…။

၁၄။ အာဏာရှင်ဗိုလ်ချူပ်မှူးကြီးသန်းရွှေ နှင့် အသက်အရွယ်ရပြီးထိပ်ပိုင်းစစ်ဗိုလ်ချုပ်ကြီးများအနေဖြင့် နောင်မည်မျှကြာအာင်အာဏာ
ကိုဆက်လက်ချုပ်ကိုင်ထားနိုင်မည်ဟုယူဆထားပါသနည်း။

၁၅။ လူတဦးတယောက်၏ မွေးရာပါ လူ့အခွင့်အရေး..လွတ်လပ်စွာ ပြောဆိုရေးသားနိုင်ခွင့်..အစရှိသည်တို့ကို လက်နက်- အာဏာတို့
ဖြင့်ကန့်သတ်ချူပ်ချယ်ထားမှုကိုစည်းကမ်းပြည့်ဝသောဒီမိုကရေစီ ဟုအဓိပ္ပါယ်ဖွင့်ဆိုနိုင်ပါသလား..။

၁၆။ အနှစ်(၂၀)ကျော် ဥပဒေ၏အထက်မှ ရာဇ၀တ်မှုမကင်းသော လုပ်ရပ်များဖြင့် မတူညီသောအမြင်ရှိသူ ရဟန်း-ရှင်လူ- ပြည်သူ-
ကျောင်းသား-သတင်းသမားများ ပြုမှုဆက်ဆံနေခြင်းသည် ဥပဒေနှင့်အညီ တရားမျှတသောလုပ်ရပ်ဖြစ်ပါသလား…။

၁၇။ ဒေါ်အောင်ဆန်းစုကြည်အပါအ၀င် အစဉ်အလာရှိ နံမည်ရ အနာဂါတ် နိုင်ငံရေး အင်အားစုများအား မတရားဖမ်းဆီး ချုပ်နှောင်၍
သန်း ၆၀ နီးပါးသော ရဟန်း၊ ရှင်လူ ပြည်သူလူထုအပေါင်းတို့၏ မွေးရာပါလူအခွင့်အရေးတို့ကိုပိတ်ပင်ခံရကာအကျဉ်းသားသဖွယ်
အာဏာရှင်များ၏ရက်စက်ယုတ်မာမှုကိုခံစားနေရပါသည်။ပြည်သူများအခွင့်အရေးတခုရလျှင် အာဏာရှင်ဗိုလ်ချူပ်မှူးကြီးသန်းရွှေ
အပါအ၀င် အပေါင်းအပါစစ်ဗိုလ်ချူပ်များအပေါ်မည်ကဲ့သို့ တုန့်ပြန်မည်ဟုထင်မြင်ပါသနည်း…။

၁၈။ အတိုက်အခံ နိုင်ငံရေး အင်အားစုများနှင့် တွေ့ဆုံ၍ ငြိနှိုင်းကြည့်ခြင်းအားကို ပြည်သူလူထုအပါအ၀င် နိုင်ငံတကာ မှပင်မြင်တွေ့လို
သော ကောင်းသော ဆန္ဒအရင်းခံဖြစ်ပါသည်၊ လက်နက် အာဏာ ကိုလက်ကိုင်ပြု၍ တွေ့ဆုံဆွေးနွေး အဖြေရှာရေး လမ်းစဉ်ကို
ဥပေက္ခာပြုနေခြင်းသည် မည်သည့်အတွက်ကြောင့်ဖြစ်ပါသနည်း။

၁၉။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်မပါဝင်သော၂၀၁၀-ရွေးကောက်ပွဲကိုနိုင်ငံတကာနှင့်ပြည်သူများက အသိ
အမှတ်ပြုယုံကြည်မည်ဟု အာဏာရှင်ကြီးယုံကြည်ပါသလား….။

၂၀။ တကိုယ်ကောင်းစိတ်ဖြင့် အာဏာကိုငန်းငန်းတက် ရူးသွပ်နေတာမရှက်ဘူးလား……။

We love fair and justice.
Burma…….. Free! Free! Free!
Iron Lady Daw Aung Sun Su Kyi…….Free! Free! Free!

Mr. Free Lance.

တာဝန်သိပြည်သူများမှ ဆက်လက် ပူးတွဲ လုပ်ဆောင်သွားရန် ဂတိပြုခြင်း

ပုံလေးကတော့ ကိုဖြိုးဝေ ဆီမှ ရယူပါသည်

အို . . . မိခင် နှင့်  ပြည်သူကိုချစ်သောခေါင်းဆောင်ကြီးများခင်ဗျာ . . .

ဆုံးဖြတ်ချက်အပေါ်ပြည်သူလူထုကြီးက
၁ . အထူးကျေးဇူးတင်ရှိပါတယ် ။

၂ . ကိုယ်ရေးကိုယ်တာသမားများ လူထုကြီးနှင့် ကွဲပြားသွားသဖြင့်  ဂုဏ်ယူပါတယ် ။

၃ . အတွင်ခြများပေါ်လွင်လာသဖြင့်ထပ်မံကျေးဇူးတင်မိပါသည်။

၎ . ထို့ ကြောင့်  ဆက်လက်ထောက်ခံ လက်တွဲပါမည်ဟု ၀န်ခံဂတိပြုပါသည် ။

ဒီမိုကရေစီရဲဘော် များနှင့် တာဝန်သိပြည်သူများမှ